नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल ‘प्रचण्ड’ले अब पार्टी नेताहरूका छोराछोरीलाई विदेश पढ्न नपठाउने र सार्वजनिक विद्यालयमै अध्ययन गराउने निर्णयतर्फ पार्टी अघि बढिरहेको बताएका छन्।
बुधबार अखिल (क्रान्तिकारी)ले काठमाडौंमा आयोजना गरेको शैक्षिक संवाद कार्यक्रममा बोल्दै प्रचण्डले यस्तो धारणा राखेका हुन्। उनले आफ्ना सन्तानले पनि विदेशमा पढाइ नगरेको उल्लेख गर्दै पार्टीका सबै नेताहरूले पनि अब त्यही नीति पालना गर्नुपर्ने बताए।
प्रचण्डले भने, “अहिले हाम्रो पार्टी केन्द्रमा छलफल भइरहेको छ कि सबै नेताहरूले आफ्ना छोराछोरीलाई सार्वजनिक विद्यालय वा त्यस्तै संस्थाहरूमा मात्र पढाउने। विदेश नपठाउने निर्णयतर्फ हामी गइरहेका छौं।”
उनले देशको शैक्षिक प्रणालीमा सुधार ल्याउन नेताहरूले व्यवहारिक उदाहरण प्रस्तुत गर्नुपर्ने आवश्यकता औंल्याए।
यही सन्दर्भमा उनले विश्वविद्यालयमा विगतमा आफूले मेरिटोक्रेसी कायम गर्न खोजेको तर अहिले कांग्रेस र एमालेले विश्वविद्यालयलाई ‘भर्ती केन्द्र’ बनाएको आरोप पनि लगाए।
World Info Nepali is a comprehensive news portal delivering the latest updates in both Nepali and English. We are a part of Worldinfo.news Global, committed to providing accurate, timely, and balanced news from Nepal and around the world.
प्रतिक्रिया
सम्बन्धित खवर
