अविरल वर्षाका कारण कालीगण्डकी करिडोर सडक अवरुद्ध भएको छ। बिहीबार रातिदेखिको लगातार झरीका कारण कालीगण्डकी गाउँपालिका–६ बरल्वामा सडक माथिबाट ठूलो पहिरो खस्दा सडक पूर्ण रूपमा ठप्प भएको हो।
जिल्ला प्रहरी कार्यालय गुल्मीका प्रहरी नायब उपरीक्षक गंगाबहादुर सारुले जानकारी दिँदै सडकमा ठूलो ढुङ्गासहितको पहिरो खसेको र त्यसले यातायात पूर्ण रूपमा रोकिएको बताए। उनका अनुसार, सडक खुलाउने प्रयास तीव्र रूपमा भइरहेको छ।
वर्षायाममा पहिरोको जोखिम उच्च हुने भएकाले जिल्ला प्रशासन कार्यालय गुल्मीले यात्रु तथा स्थानीयलाई सतर्क रहन आग्रह गरेको छ। साथै, कुनै समस्या परेमा नजिकको प्रहरी चौकी वा प्रशासनमा तत्काल जानकारी गराउन पनि प्रशासनले अनुरोध गरेको छ।
गुल्मी क्षेत्रका मुख्य यातायात मार्गमध्ये एक रहेको कालीगण्डकी करिडोर अवरुद्ध हुँदा आवागमन प्रभावित भएको छ भने स्थानीय बासिन्दा दैनिक कार्यमा समेत प्रभावित भएका छन्।
– तिलाचन पाण्डे, गोरखापत्र
World Info Nepali is a comprehensive news portal delivering the latest updates in both Nepali and English. We are a part of Worldinfo.news Global, committed to providing accurate, timely, and balanced news from Nepal and around the world.
प्रतिक्रिया
सम्बन्धित खवर
