न्याय परिषद्को आज बसेको वैठकले सर्वोच्च अदालतमा तीन जना न्यायाधीश सिफारिस गरेको छ । न्याय परिषद्को सिफारिसको पहिलो नम्बरमा वरिष्ठ अधिवक्ता मेघराज पोखरेल परेका छन् ।
उच्च अदालतका मुख्य न्यायाधीशद्वय श्रीकान्त पौडेल र शान्ति सिंह थापा पनि सर्वोच्चको न्यायाधीश सिफारिसमा परेका छन् । प्रधानन्यायाधीश प्रकाशमानसिंह राउतको अध्यक्षमा मङ्गलवार बसेको न्याय परिषद्को बैठकले यो निर्णय गरेको हो ।
सर्वोच्च अदालतमा चार न्यायाधीशको पद रिक्त रहेकोमा तीनजनाका लागि आज सिफारिस भएको हो । न्यायपरिषदका सदस्यहरु तीन दिनदेखि सहमति जुटाउन औपचारिक र अनौपचारिक छलफलमा जुटेका थिए ।
अब संसदीय सुनुवाइपछि राष्ट्रपतिले न्यायाधीश नियुक्त गर्नेछन् । वरिष्ठ अधिवक्ता पोखरेल सर्वोच्च अदालत बार एसोसिएसनका अध्यक्ष पनि हुन् । पोखरेल कांग्रेस निकट कानून व्यवसायीको संस्था डीएलएबाट उम्मेदवार बनेर जितेका थिए । । उनी व्यावसायिक तथा वाणिज्य कानुनका विज्ञ मानिन्छन् ।
World Info Nepali is a comprehensive news portal delivering the latest updates in both Nepali and English. We are a part of Worldinfo.news Global, committed to providing accurate, timely, and balanced news from Nepal and around the world.
प्रतिक्रिया
सम्बन्धित खवर
