श्रीलङ्काले सन् २०१५ देखि २०२5 मे महिनासम्मको अवधिमा वैदेशिक रोजगारबाट ६१.१ अर्ब अमेरिकी डलर बराबरको रेमिट्यान्स प्राप्त गरेको छ। यो तथ्याङ्क हालै संसदमा श्रीलङ्काका विदेश तथा वैदेशिक रोजगार उपमन्त्री अरुण हेमचन्द्रज्युले प्रस्तुत गर्नुभएको हो।
श्रीलङ्काको केन्द्रीय बैंकका अनुसार यो रकम करिब १३ हजार ९४६ अर्ब श्रीलङ्काली रुपियाँ बराबरको हुन्छ। उपमन्त्री हेमचन्द्रले जानकारी दिनुहुँदै भने, “यस अवधिमा रेमिट्यान्सले देशको अर्थतन्त्रलाई ठूलो टेवा पुर्याएको छ र यो आम्दानीको प्रमुख स्रोत बन्न पुगेको छ।”
उहाँले सन् २०२५ फेब्रुअरी २५ सम्मको तथ्याङ्क प्रस्तुत गर्दै करिब १३ लाख ५० हजार श्रीलङ्काली नागरिकहरू विभिन्न मुलुकहरूमा रोजगारीमा रहेको जानकारी दिनुभयो। मध्यपूर्व, दक्षिण कोरिया, मलेसिया, र युरोपका विभिन्न देशहरू श्रीलङ्काली कामदारहरूका मुख्य गन्तव्य मुलुक मानिन्छन्।
श्रीलङ्काले लामो समयदेखि वैदेशिक रोजगारीलाई अर्थतन्त्रको मेरुदण्डका रूपमा लिँदै आएको छ। हालैको आर्थिक संकटबाट गुज्रिरहेको श्रीलङ्का सरकारका लागि रेमिट्यान्स आम्दानी अझ महत्त्वपूर्ण बनेको छ। सरकार आगामी वर्षहरूमा वैदेशिक रोजगारीका अवसरहरू अझ विस्तार गर्ने योजनामा पनि रहेको छ।
World Info Nepali is a comprehensive news portal delivering the latest updates in both Nepali and English. We are a part of Worldinfo.news Global, committed to providing accurate, timely, and balanced news from Nepal and around the world.
प्रतिक्रिया
सम्बन्धित खवर
