सत्तारूढ दल नेपाली कांग्रेस र एमालेले राष्ट्रिय स्वतन्त्र पार्टी (रास्वपा)का सभापति रवि लामिछानेले सहकारी ठगी स्वीकार गरिसकेको दाबी गरेका छन्। प्रतिनिधि सभाको सोमबारको बैठकमा बोल्दै एमालेका मुख्य सचेतक महेश बर्तौँलाले लामिछानेको पक्षमा चलाइएको हस्ताक्षर अभियानप्रति आपत्ति जनाए। उनले बिगो रकम तिर्न तयार भएको कुरा आफैंमा अपराध स्वीकार भएको प्रमाण भएको बताए। “६२/६३ लाख संकलन गर्नुभएछ, सँगै हस्ताक्षर पनि। जसका नाममा हस्ताक्षर भइरहेको छ, ती व्यक्तिहरूले बिगो स्वीकार गरेर जमानतमा छुटाउन निवेदन दिएका छन्। बिगो स्वीकार गर्नु भनेको अभियोग स्वीकार गर्नु होइन र?” उनले प्रश्न गरे। कांग्रेसकी सांसद ईश्वरी न्यौपानेले पनि लामिछानेविरुद्ध आक्रोश पोखिन्। उनले रुपन्देही जिल्ला अदालतले लामिछानेको थुनामुक्तको माग अस्वीकार गरेको निर्णयको प्रसंग उठाउँदै, ‘रविजीले ठगेको स्वीकार गर्नुभयो, भाग शान्ति म […]